ხანძარსაწინააღმდეგო სისტემების ინსტალაცია
Detection, suppression and pressurisation, installed and commissioned.
ხანძარსაწინააღმდეგო სისტემები იყოფა სამ მიმართულებად:
- დეტექცია / სიგნალიზაცია
- წყალმომარაგება / წყლით ქრობა
- ვენტილაცია /დაწნევა
თითოეული მიმართულების სისტემა განსხვავებულად მოქმედებს ხანძრის დროს და ინდივიდუალური როლი აკისრია ხანძრის წინააღმდეგ ბრძოლაში.
დეტექცია-სიგნალიზაციის სისტემები მუშაობენ კვამლის აღმოჩენაზე და საგანგაშო სირენის ამოქმედებაზე, რომლის დროსაც ადამიანები ვალდებულნი არიან დაუყოვნებლივ დატოვონ შენობა.
წყალმომარაგება / წყლით ქრობის სისტემებში რამდენიმე ელემენტი შეგვიძლია გამოვყოთ: სახანძრო სატუმბი სადგური, სახანძრო კარადის კომპლექტები (მონტაჟდება შენობის ყველა სართულზე) და ავტომატური ხანძარქრობის წყალსაშხეფი სპრინკლერები, რომელთა გულშიც მოთავსებული კაფსულები 68°C ტემპერატურის დაფიქსირებისას სკდებიან და აფრქვევენ წყალს.
ვენტილაცია /დაწნევის სისტემების მთავარი ელემენტი არის სახანძრო ვენტილატორები, რომლებიც დაკვამლიანების დროს ზრუნავენ შენობიდან კვამლის გატანაზე და სუფთა ჰაერის შემოტანაზე. მათი მეშვეობით ხდება ასევე ლიფტების, ტამბურებისა და დახურული კიბის უჯრედების დაწნევა.